2024-жылдын башынан баардык айдоочулар ОСАГО полисин сатып алууга милдеттүү болот. Бул тууралуу Финансы рыногун жөнгө салуу жана көзөмөлдөө кызматы эскертти.

Такталгандай, башка мамлекеттерде катталган автотранспорт каражаттарынын ээлери жана (же) айдоочулары, юридикалык жактар 2023-жылдын 1-апрелинен тартып ОСАГО полисин сатып алууга милдеттүү.

КРнын мыйзамдарына ылайык катталган автотранспорт каражаттарынын ээлери жана (же) айдоочулары 2024-жылдын 1-январынан тартып автотранспорт каражатынын ээлери жарандык-укуктук жоопкерчилигин милдеттүү камсыздандыруусу зарыл.

Жогорудагы мөөнөттөр аяктагандан соң ИИМдин жол кыймылынын коопсуздугун камсыздоо башкы башкармалыгынын кызматкерлери тарабынан автотранспорт каражатын токтоткон учурда камсыздандыруу полисин талап кыла баштайт, ал жок болгон учурда административдик протокол түзүлүп, айып пул салынат. Айып пулдун өлчөмү юридикалык тараптарга - 13 миң сом, ал эми жеке тараптарга – 3 миң сомду түзөт.

Учурда ОСАГО мыйзамын ишке ашырууда лицензиясы бар 13 (он үч) камсыздандыруу компаниясы иш алып барат:

• «НСК» ЖАК;

• «АЮ Гарант» ЖАК;

• «Мамлекеттик камсыздандыруу Уюму» ААК;

• «Кыргызстан» ЖАК;

• «АТН Полис» ЖАК;

• «Алма Иншуренс» ЖАК;

• «Арсеналъ-Кыргызстан» ЖАК;

• «Джубили Кыргызстан» ЖАК;

• «А Плюс» ЖАК;

• «Мега Иншуренс» ЖАК;

• «Али-Гарант» ЖАК;

• «Дордой Страхование» ЖАК;

• «Здоровье» ЖАК.