Коом

Кара-Кеченин көмүрү кооптуу, аны аймактарга жеткирбей, өндүрүштү токтотуш керек – "Жашыл энергетика" фонду

Сапар Акунбеков

06 сент. 2023 13:46

Кара-Кечеден чыккан көмүрдүн зыяны жана анын калк үчүн эмне үчүн кооптуу экендиги тууралуу Economist.kgге "Жашыл энергетика" коомдук фондунун жетекчиси, "Кыргызстандын Жашыл альянсынын" башкармалыгынын мүчөсү Анара Султангазиева айтып берди.

Анын айтымында, Кара-Кече көмүрү таптакыр сапатсыз. Ал колдонууга даяр болуу үчүн дагы кеминде 70 жыл күтүш керек. Мындан тышкары көмүр В3 классына кирет, ал өтө кичинекей жана ошондой эле күрөң жана кандай болгон күндө да таш сапаты төмөн болот.

"Кара-Кечи көмүрүнүн калориялуулугу да өтө төмөн. Салыштыра кетсек, Караганда көмүрүнүн калориялуулугу 7.5 миң ккалга жетет, ал эми биздин жердеги көмүрдө эң көп дегенде 3.5 миң ккал", – деди Султангазиева.

Мындан тышкары, Султангазиева Союз учурунда геологиялык чалгындоо иштеринин жүрүшүндө Кара-Кече кенинен урандын бөлүкчөлөрү табылганын кошумчалады.

"Ошондуктан мен бул кенди иштетүүгө тыюу салып, жабууну активдүү жактайм. Кара-Кечи көмүрүн ысытканда уран абага, андан өпкөбүзгө кирип кетет. Бул акырындык менен элди кырып жатат", – деди ал.

Буга чейин энергетика министринин орун басары Таалайбек Байгазиев 24.kgге Кара-Кече кенинен көмүрдү Бишкекте колдонууга тыюу салынарын билдирген. Анын айтымында, бул көмүр Чүй, Нарын жана Ысык-Көл облустарына берилет. Султангазиева бул чечимге таптакыр макул эмес.

"Демек, аймактарда жашаган калк - эл эмеспи? Бишкектин тургундарын коргош керек, бирок башкаларды ууландырган туурабы? Менимче, бул туура эмес", – деп эксперт жыйынтыктады.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”