Ала-Бука районунда жаңы прокуратура имараты ачылды

КРнын Башкы прокурору Максат Асаналиев Ала-Бука районунун прокуратурасынын жаңы административдик имаратын салтанаттуу түрдө ачты. Иш-чарага мамлекеттик бийлик органдарынын, укук коргоо түзүмдөрүнүн жана жалпыга маалымдоо каражаттарынын өкүлдөрү катышты. Бул тууралуу Башкы прокуратурадан билдиришти.

Башкы прокурор жаңы имараттын ачылышын өлкөдө мыйзамдуулукту чыңдоого багытталган иш-аракеттердин маанилүү жыйынтыктарынын бири катары баалап, бул кадамды коомдо адилеттүүлүк жана мыйзамдуулукту бекемдөөгө багытталган маанилүү аракет катары сыпаттады.

Жаңы имарат заманбап стандарттарга толук жооп берип, кызматкерлер үчүн ыңгайлуу шарттарды камсыздайт. Ошондой эле жарандарды кабыл алуу үчүн жеткиликтүү, ыңгайлуу жана ачык форматтагы бөлмөлөр каралган.