ИИМ эскертет: алдамчылардын амалынан сактаныңыздар!
Ички иштер министрлигинин Кылмыш иликтөө башкы башкармалыгы жарандарды алдамчылардан сак болууга чакырат!
Тартип сакчылар алдамчылар шектүү шилтемелерге кирүүнү же белгисиз тиркемелерди орнотууну сунушташы мүмкүндүгүн эскертип, телефон чалууларды кылдаат текшерип, чоочун адамдардын талабы боюнча акча которбоону сунуштайт:
“Эгерде шектенсеңиз, банкыңызга, операторуңуздун колл-борборуна же 102ге чалыңыз. “Банк кызматкерлеринин” атын жамынган алдамчылык чалуулар көбөйдү. Картаңыздын реквизиттерин же CVV кодун эч качан ачпаңыз”, – деп билдирет маалыматта.
ИИМ эскертет: сактык — сиздин каражатыңыздын сакталышынын кепилдиги.
Сак болуу коопсуздугун өзүңүздөн баштаңыз!
