Коом

Памирдеги этникалык кыргыздарга гуманитардык жардам көрсөтүлдү

Ишкер Media

13 окт. 2025 14:05

Кыргызстан Афганистандын Кичи жана Чоң Памир аймактарында жашаган этникалык кыргыздарга гуманитардык жардам жеткирди. Бул тууралуу Эмгек, социалдык камсыздоо жана миграция министрлигинен билдиришти.

Маалыматка ылайык, бул гуманитардык жардам Президенттин тапшырмасы жана Министрлер Кабинетинин чечими менен уюштурулган.

Экспедициянын алкагында Афганистандын Бадахшан провинциясындагы этникалык кыргыздарга жана жергиликтүү тургундарга медициналык жардам көрсөтүлүп, ветеринардык дары-дармектер жеткирилди. Ошондой эле, министрдин орун басары Б.Дарманкул уулу Бадахшан провинциясынын губернаторунун орун басары менен жолугушуп, этникалык кыргыздардын жашоо-шарты жана аларды колдоо маселелерин талкуулады.

Медициналык топтун курамында кардиолог, тиш дарыгери жана акушер-гинеколог бар. Алар жалпы 765 адамга жардам көрсөтүштү, анын ичинде 187 аял жана 207 бала бар. Ошондой эле, жугуштуу оорулардын алдын алуу, дарыларды туура колдонуу жана ден соолукту көзөмөлдөө боюнча түшүндүрүү иштери өткөрүлдү.

Ветеринардык адистер жеринде 10 төөнү, 40 атты, 367 якты жана 840 кой-эчкини текшерип, малчыларга эмдөө, дарылоо жана оорулардын алдын алуу боюнча практикалык кеңештерин беришти.

Министрликтин маалыматына караганда, мындай гуманитардык жардам этникалык кыргыздардын жашоо-шартын жакшыртуу жана социалдык-саламаттык көйгөйлөрдү чечүү максатында жүргүзүлүп келет.

Мындан тышкары окуңуз

Бишкекте 10 миң көчөт отургузулат

Бишкекте борборду масштабдуу жашылдандыруу кампаниясына даярдыктар башталды. Мэриядан билдиргендей күзгү көчүрүү сезонунун алкагында шаарда 10 миң бак жана бадалдарды отургузуу пландалып жатат. Мындай чечим шаардын экологиялык кеңешинин жыйынында кабыл алынган. Жашылдандырууда негизги көңүл мектеп, бала бакча жана аларга жакын зоналарга бөлүнөт. “Бишкекжашылдандыруу” муниципалдык мекемеси жашылдандыруу схемасын пландап, белгилерди коюп, чуңкурчаларды

Камсыздандыруу төгүмдөрү 6 жылда эки эсе көбөйдү

Мамлекеттик салык кызматы камсыздандыруу төгүмдөрүнүн 2019-жылдан берки көрсөткүчтөрүн коомчулуккка чыгарды. Маалыматта 6 жыл ичинде камсыздандыруу төгүмдөрү эки эсе өскөнү көрсөтүлгөн. Мисалы: 2019-жылы — 32,4 млрд сом; 2020-жылы — 33,1 млрд сом; 2021-жылы — 38,3 млрд сом; 2022-жылы — 51,7 млрд сом; 2023-жылы — 64,3 млрд сом; 2024-жылы — 74,08 млрд

"Коопсуз шаар" системасынын видеокамералары дагы көбөйөт

Президент Садыр Жапаровдун тапшырмасы менен акыркы 3 жылда өлкөдө видеокамераларды масштабдуу орнотуу жүргүзүлгөнүн Президенттин администрациясынын маалыматтык саясат кызматынын жетекчиси Дайырбек Орунбеков билдирди. Бүгүнкү күндө “Коопсуз шаар” системасы боюнча: Бишкекте – 651; Баткен облусунда–248; Ысык–Көл облусунда 283; Манас облусунда – 205; Нарында–207; Ош шаарында – 57; Ош олусунда – 115; Талас облусунда

Саламаттык сактоо тармагын каржылоо 130 млрд сомго жетет

2030-жылга чейин саламаттыкты сактоо тармагын каржылоону 130 млрд сомго жеткирүү пландалып жатканын Министрлер Кабинетинин төрагасы Адылбек Касымалиев бүгүнРеспубликалык клиникалык жугуштуу оорулар бейтапканасынын жаңы балдар имаратынын ачылышында билдирди. Анын айтымында, өлкөдө буга чейин жылына 600гө жакын объект курулса, 2025-жылы мамлекеттик каржылоонун эсебинен 3 миңден ашуун объект курулат жана анын 32си медициналык