Өлкө боюнча дан эгиндерин жыйноо иштери 91 %га аткарылды
Республика боюнча дан эгиндерин жыйноо иштери 91 %га аткарылды. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка караганда, дан эгиндеринин жалпы 679 миң гектар айдоо аянтынын 619,5 миң гектары жыйналып, бул 91,2 %ды түздү.
Өткөн жылдын ушул мезгилинде көрсөткүч 614,6 миң гектар болгон. Республика боюнча орточо түшүмдүүлүк 25,1 центнерди түзүп, жыйналган дан азыктарынын жалпы көлөмү 1 млн 724,3 миң тонна болуп эсептелет.
