Тогуз-Тородо дан куурайдын "полька" сорту отургузулду
Суу ресурстары, айыл чарба жана кайра иштетүү өнөр жайы министрлигинин “30+20+10” долбоору алкагында Бакыт уулу Өмүр 0,50 гектар жерге дан куурайдын “Полька” сортун отургузду. Бул тууралуу ведомстводон маалымдашты.
Маалыматка ылайык, долбоордун максаты — айыл чарбасына жаңы технологияларды киргизүү жана дыйкандардын кирешесин арттыруу. Өсүмдүктөрдүн туура өсүшүн камсыз кылуу үчүн райондук адистер топурак үлгүлөрүн лабораториялык анализге жөнөтүштү.
Аймак толугу менен тосулуп, өсүмдүктөрдү тышкы факторлордон жана мал-жандыктардан коргоого шарт түзүлгөн.
Маалымат үчүн: Бул долбоор айыл чарбасын модернизациялоого жана органикалык өндүрүштү өнүктүрүүгө багытталган маанилүү кадам болуп саналат.
