Ошто 225 орундуу жаңы мектеп пайдаланууга берилди
Ош шаарына караштуу Озгур айылында 225 орундуу жаңы мектептин курулушу аяктап, пайдаланууга берилди. Долбоор республикалык бюджеттен каржыланып, жалпы наркы 104 млн сом түзөт. Бул тууралуу Курулуш министрлигинин маалымат кызматынан билдиришти.
Мектептин жалпы аянты 2099 м², үч кабаттуу окуу корпусу, өтмөк галерея, жыйындар жана спорт залы менен камсыздалган.
Курулуш-монтаждоо иштери заманбап стандарттарга ылайык аткарылып, Турак жай-жарандык курулуш департаментинин көзөмөлүндө жүргүзүлдү.
Жаңы мектеп аймактагы балдар үчүн сапаттуу билим берүү менен коопсуз билим берүү чөйрөсүн камсыздайт.
