Бүгүн Бишкекте айыл чарба жарманкеси өтүп жатат
Бүгүн Бишкек шаарында жергиликтүү өндүрүүчүлөрдүн, дыйкандардын жана кол өнөрчүлөрдүн социалдык маанилүү азык-түлүк продукцияларын сунуштаган салттуу азык-түлүк жарманкеси өтүп жатат. Бул тууралуу КРнын Суу ресурстары, айыл чарба жана кайра иштетүү өнөр жайы министрлигинен маалымдашты.
Билдирүүгө караганда, ишчаранын максаты: -Ата мекендик өндүрүүчүлөрдү түз колдоо, шаар тургундарын арзан жана сапаттуу азык-түлүк менен камсыз кылуу жана Социалдык маанилүү азык-түлүк товарларынын баасын туруктуу кармоо болуп саналат. Жарманкелер 2026-жылдын июнь айына чейин ар дем алыш күндөрү уюштурулуп, борбор калаанын тургундары үчүн туруктуу иштеп турмакчы.
Жарманке өтүп жаткан даректер: Т. Усубалиев атындагы аянт; И. Раззаков жана Абдымомунов көчөлөрүнүн кесилиши; Эркиндик бульвары (Биринчи Май району).
