Д.Трамп "Би-Би-Си" радиосунан 5 млрд долларга чейин компенсация талап кыларын билдирди
АКШ президенти Дональд Трамп келерки жумада британиялык “Би-би-си” маалымат корпорациясы “Панорама” программасында анын сүйлөгөн сөзүн редакциялап, туура эмес бергени үчүн сотко берерин Reuters маалымдады.
АКШ лидеринин айтымында, ал “Би-Би-Сиден” 1 млрд доллардан 5 млрд долларга чейин компенсация талап кылат.
“Мен муну жасашым керек, алар керек болсо алдамчылык кылышканын моюндашпадыбы. Алар менин сүйлөгөн сөзүмдү өзгөртүп коюшкан”,-дейт америкалык президент.
Эске салсак, 2024-жылы октябрь айында АКШ президенттигине шайлоого бир жума мурун “Би-Би-Сиде” “Панорама” программасы чыккан. Анда 2021-жылы 6-январдагы Капитолийди штурмалоо жөнүндө айтылып жатып, Дональд Трамптын эки башка жерде сүйлөгөн сөзү чогулгандарды башаламандыкка жана зомбулукка чакыргандай монтаждалып берилген.
Бул окуядан соң “Би-Би-Синин” башкы директору Тим Дэйви жана редакциянын жаңылыктар бөлүмүнүн башчысы Дебора Тернесс кызматтан кеткен. Би-Би-Си” буга чейин Дональд Трамптан расмий кечирим сураганы менен компенсация төлөөдөн баш тарткан.
