УКМКнын атын жамынып жарандан 46 миң доллар алдап кеткендер кармалды
Улуттук коопсуздук боюнча мамлекеттик комитети (УКМК) 1978-жылы туулган С.И.И. жана 1982-жылы туулган А.А.Б. аттуу жарандар УКМК төрагасынын орун басарынын атын жамынып, К.Д. аттуу адамга карата козголгон кылмыш ишин токтотууну убада кылып, алдоо жана ишенимден кыянаттык менен пайдалануу жолу аркылуу жалпысынан 46 миң АКШ долларын ээлеп алышканын маалымдайт.
УКМК Башкы тергөө башкармалыгы тарабынан КР Кылмыш-жаза кодексинин 209-беренеси (“Алдамчылык”) боюнча кылмыш иши козголуп, аталган кылмышка тиешеси бар алты адам аныкталып, УКМКнын убактылуу кармоочу жайына киргизилди.
УКМК мамлекеттик органдардын жетекчилеринин атын колдонуу менен мыйзамсыз аракеттерди жасоого жана жарандарды адаштырууга аракет кылган адамдар белгиленген тартипте жана колдонуудагы мыйзамдарга ылайык жоопкерчиликке тартыларын эскертет.
