Коом

Digital Farmer Hackathon 2025: Жеңүүчүлөр аныкталды

Ишкер Media

28 нояб. 2025 10:07

Суу ресурстары, айыл чарба жана кайра иштетүү өнөр жайы министрлиги агрардык сектордо жана суу ресурстарын башкарууда инновациялык чечимдерди иштеп чыгууга багытталган Digital Farmer Hackathon 2025 сынагынын жыйынтыгын чыгарды. Бул тууралуу Айыл чарба министрлигинен маалымдашты.

Иш-чаранын негизги максаты – айыл чарба тармагында санариптик жана жасалма интеллект технологияларын өнүктүрүү жана заманбап чечимдерди практикада колдонууга шарт түзүү.

Калыстардын баалоосунун жыйынтыгында төмөнкү үч команда жеңүүчү деп табылды:

1-орун – AIU-Team: «AgriVision» долбоору – дрондор жана жасалма интеллект аркылуу талаалардын абалын эрте мониторинг кылуу системасы.

2-орун – Tamchy Agro KG: Улуттук деңгээлдеги сугат суусунун керектелишин мониторинг кылуу системасы.

3-орун – Акыл Жер: Кыргызстандын агросектору үчүн бирдиктүү интеллектуалдык санариптик платформа.

Сунушталган долбоорлор агрардык тармактын жана суу ресурстарын рационалдуу пайдалануунун натыйжалуулугун жогорулатууга багытталып, практикалык колдонууга жогорку потенциалга ээ. Жалпы сынакка 13 команда катышты.

Жеңүүчүлөргө акчалай сыйлыктар тапшырылып, министрлик менен пилоттук долбоорлорду ишке ашырууда кызматташтык сунушталды. Калган катышуучуларга ыраазычылык каттары берилди. Министрлик сынакка катышкан бардык командалардын жогорку деңгээлдеги даярдыгын белгилеп, айыл чарбасын модернизациялоого жана санариптик трансформациялоого багытталган демилгелерди колдоого даяр экенин билдирди.

Мындан тышкары окуңуз

"Кара-Балта – Чалдовар" автожолун реконструкциялоо үчүн 15 млн евро грант макулдашылды

Транспорт жана коммуникациялар министринин орун басары Бекназар Базаралиев Өзбекстандын Ташкент шаарында өткөн Транскаспий транспорт коридору жана өз ара байланыш боюнча инвесторлор форумуна катышты. Министрликтин маалыматына ылайык, иш-чарада ал Европа Биримдигине жана Өзбекстан Өкмөтүнө жогорку деңгээлде уюштургандыгы үчүн ыраазычылык билдирди. Бекназар Базаралиев Транскаспий транспорт коридорун өнүктүрүүнүн Кыргызстан үчүн стратегикалык маанисине токтолуп,

Бишкекте адамдык капиталды өнүктүрүүнүн келечеги талкууланды

25-ноябрда Бишкекте “Социалдык өнүгүү боюнча Экинчи дүйнөлүк саммитинин жыйынтыктары боюнча андан аркы кадамдар” аттуу консультациялар өттү. Иш-чарага өнүктүрүү боюнча өнөктөштөр, эл аралык уюмдар, мамлекеттик органдар жана эксперттер коомчулугу катышты. Бул тууралуу Эмгек, социалдык камсыздоо жана миграция министрлигинен билдирди. Эмгек, социалдык камсыздоо жана миграция министринин орун басары Бакыт Дарманкул уулу өз

Лебединовка-ГЭС 5 жолунун бир багыттуу тилкеси асфальтталды

Лебединовка-ГЭС 5 жолунун 4,4 чакырымынын бир тараптуу тилкесине асфальт төшөлгөнүн Транспорт жана коммуникациялар министрлигинен билдиришкен. Реконструкция иштеринин алкагында жолдун категориясы өзгөрүп, 2 тилкеден 4 тилкелүү болуп кеңейтилген. Ошондой эле долбоордо каралган тротуар куруу, жарыктандыруу жана чоң көпүрөнү оңдоо иштери да бүткөрүлөт. Мындан тышкары, негизги жолго катар Биримдик-Кут конушуна кирүүчү

ЖККУ аймагында 2025-жылы 8 тонна баңгизат кармалган

ЖККУнун башкы катчысы Имангали Тасмагамбетов ЖККУ катышуучуларынын – өлкө башчыларынын саммитинен кийин өткөн пресс-конференцияда уюмдун ишинин жыйынтыгы боюнча айтып берди. Ал ЖККУнун 3 жылдык ишиндеги маанилүү жетишкендиктерди бөлүп көрсөттү. Жамааттык күчтөрдүн жеке курамынын саны 1,8 эсеге өсүп, 30 миң адамга жеткен жана авиациялык топ күчтөнгөн. 2025-жылы антинаркотикалык “Канал” операциясынын жүрүшүндө