Эми кызыл жана жашыл китептердин ордуна кадастрдык план берилет
Эми Кыргызстандын бардык жер тилкелерине жана башка кыймылсыз мүлктөргө кызыл жана жашыл китептердин ордуна кадастрдык план берилет. Бул тууралуу Жер ресурстары, кадастр, геодезия жана картография боюнча мамлекеттик агенттиги билдирди.
Кадастрдык план — бул жердин “паспортунун” милдетин аткарган негизги документ. Аны жеке жана юридикалык жактар жергиликтүү Жер агенттигинин каттоо органдарына арыз менен кайрылып алса болот. Документ даярдалгандан кийин электрондук базада “Түндүк” тиркемесинен көрүүгө мүмкүнчүлүк берилет.
Кадастрдык планда жердин номери, категориясы, колдонулушу, аянты, жайгашкан жери, картасы жана координаттары, укуктары жана чектөөлөрү, ээси жана мурдагы бүтүмдөрү камтылат.
Бул жаңы документ мурдагы мамлекеттик актылардын ордун толуктап, ар бир жеке жана юридикалык жак үчүн жер тилкелерин расмий каттоодо жөнөкөй жана ыңгайлуу жол ачат.
