Коом

Атайын шайлоочу жайдан тышкары жерден 9318 адам добуш берди

Ишкер Media

30 нояб. 2025 08:50

Кече саат 20:00дө шайлоо участогуна барууга мүмкүнчүлүгү жок жарандар үчүн жайдан тышкары добуш берүү аяктаган. Бул тууралуу Боршайкомдон кабарлашты.

Билдирүүгө караганда, өлкө боюнча жалпы 2 492 участкалык шайлоо комиссиянын ичинен 1 332 шайлоо комиссиясына 10 329 арыз келип түшкөн. Анын негизинде, бир күн ичинде, саат 8:00дөн 20:00гө чейин добуш берүүгө 9318 адам катышкан.

“КРнын Президентин жана КРнын Жогорку Кеңешинин депутаттарын шайлоо жөнүндө” КРнын Конституциялык Мыйзамына ылайык, жайдан тышкары добуш берүү денсоолугунун абалы же майыптыгы боюнча шайлоо участкаларына келе алышпаган шайлоочулар, ошондой эле ооруканаларда, кармоо жайларында кармалып турган же алыскы калктуу конуштарды жана мал чарбасынын алыскы участкаларын кошуп алганда, жетүүгө кыйын райондордо убактылуу жашаган жарандар үчүн уюштурулат.

Мындай добуш берүүнүн жүрушундө мыйзам бузуулар болду деген кээ бир талапкерлердин билдирүүсү кароого алынып, Боршайком чындыкка дал келбейтигин жарыялады. Шайлоо жашыруун добуш берүү принцибин катуу сактап, шайлоочуларга кысым көрсөтүүгө жол берилген эмес. “Майда бузуулар” деген дооматтар да негизсиз: анткени шайлоо участогу өз убагында иштеп, бардык процедуралар БШКнын талаптарына ылайык жүргүзүлгөн.

Мындан тышкары окуңуз

Т. Шайназаров: Кыргызстандын тарыхта биринчи жолу аралыктан добуш берүү системасы колдонулууда

КРнын Борбордук шайлоо комиссиясынын төрагасы Тынчтык Шайназаров өлкө боюнча добуш берүү башталгандыгына байланыштуу УТРКнын түз эфиринде брифингде сүйлөдү. Ал республика боюнча жалпы 2 492 шайлоо участогу, ошондой эле 27 аралыктан добуш берүү участкасы жана чет өлкөдөгү 100 шайлоо участогу өз ишин баштаганын эске салды. «Биздин өлкө тарыхында биринчи жолу алдын

Жогорку Кеңештин депутаттарын мөөнөтүнөн мурда шайлоо башталды

Кыргызстанда Жогорку Кеңештин депутаттарын мөөнөтүнөн мурда шайлоо башталып, саат 08:00дө өлкө аймагы боюнча 2492 шайлоо тилкесинде добуш берүү башталды. Чет мамлекеттерде жарандардын шайлоо укугун камсыздоо максатында 100 шайлоо тилкеси жана өлкө ичинде 27 аралыктан добуш берүү тилкеси иштерин буга чейин БШК маалымдаган. Алардын ичинде аэропорттордо (учуу жана конуу зоналарында)

Кыргызстанда добуш берүүчү жайдан тышкары добуш берүү ѳтүп жатат

Бүгүн, КРнын Жогорку Кенешинин депутаттарын мөөнөтүнөн мурда шайлоодо 30 көп мандаттуу шайлоо округдары боюнча добуш берүүчү жайдан тышкары добуш берүү өтүүдө. Бул тууралуу БШК расмий баракчасында билдирген. Жалпысынан өлкө боюнча 2 492 участкалык шайлоо комиссиянын ичинен 1 324 шайлоо комиссиясына 10 329 арыз келип түшкөн. Алардин ичинде жаш курагы, майыптыгы,

БШК дүйнөнүн 58 өлкөсүнөн 788 эл аралык байкоочуну аккредитациялады

БШК дүйнөнүн 58 өлкөсүнөн 788 эл аралык байкоочуну Жогорку Кеңешке депутаттарды шайлоого аккредитациялаганын бүгүнкү брифингде Борбордук шайлоо комиссиясынын төрагасы Тынчытык Шайназаров билдирди. Аккредитациядан өткөн эл аралык байкоочулардун курамында: -Чет өлкөлөрдүн борбордук шайлоо органдары — 20 өлкөдөн 39 өкүл; -Эл аралык уюмдар жана парламенттик бирикмелерден — 11 уюмдан 680 өкүл (анын ичинде ОБСЕнин