БШКга шайлоо боюнча 36 арыз түшкөн
БШКнын алдындагы жумушчу топко жалпысынан 36 арыз-даттануу келип түшкөнүн боршайкомдун мүчөсү Узарбек Жылкыбаев брифингде билдирген.
Анын айтымында добуш сатып алуу боюнча – 3, үгүт иштеринин тартибин бузуу – 20, административдик ресурсту кыянаттык менен пайдалануу – 2, жалган жалаа делген – 6 арыз, дагы башка мааниде 4 арыз түшкөн.
Буларды региондор боюнча бөлгөндө: Бишкек – 6, Баткен – 8, Жалал-Абад – 1, Ысык-Көл – 5, Нарын – 1, Ош – 4, Талас – 1, Чүй – 9.
Жалпы 29 талапкерге 436 миң 500 сом өлчөмүндө айып пул салынды.
“Бул бүгүнкү күнгө чейинки маалыматтар. Дагы арыз-даттануулар БШКга азыр да келип түшүп жатат. Алар каралып, тиешелүү чечимдер чыгарылат”, - дейт Узарбек Жылкыбаев.
