Коом

Республика боюнча 37 068 сасык тумоо катталса, анын 73%ын балдар түзөт

Ишкер Media

03 дек. 2025 10:41

Күн мурун Мамлекеттик санитардык-эпидемиологиялык көзөмөл департаменти республикадагы сасык тумоо жана респиратордук вирустук инфекциялар боюнча эпидемиологиялык абалды талкуулоо үчүн ыкчам штабдын жыйынын өткөрдү. Бул тууралуу Саламаттык сактоо министрлигинен билдиришти.

Жыйындын жыйынтыгында билим берүү уюмдарында алдын алуу иш-чараларын жана мониторингди күчөтүү, калкка алдын алуу чаралары жөнүндө маалымат берүүнү активдештирүү чечими кабыл алынды. Ыкчам штаб бала бакчалар, мектептер жана соода борборлору, айрыкча балдар ойноочу жайлары бар жерлерде профилактикалык иштерди күчөтүүнү сунуштады. Интенсивдүү өсүш сакталса, балдар көп чогулган жайларда убактылуу чектөө жана карантин киргизүү каралат.

Мамлекеттик санитардык-эпидемиологиялык көзөмөл департаментинин маалыматына ылайык, 48-жумада республикада 37 068 сасык тумоо жана респиратордук инфекциялар катталып, мурунку жумага салыштырмалуу 2,5 эсе көп болду. Ооругандардын 73%ын 14 жашка чейинки балдар түзөт, алардын 5%ы ооруканага жаткырылган. Оорулардын очоктору негизинен Ош жана Бишкек шаарларында, ошондой эле Баткен жана Чүй облустарында байкалууда.

Бишкек шаарында 25ке жакын мектеп убактылуу жабылды, Чүй облусунда 40ка жакын мектеп онлайн окууга өттү, ал эми Ош облусунда беш мектеп онлайн режимге өткөрүлдү. Бардык саламаттыкты сактоо уюмдарында бет кап кийүү милдеттүү, дезинфекциялоо жана бактерициддик тазалоо жүргүзүлүүдө. Кырдаалга мониторинг күнү-түнү жүргүзүлүп, калкка мындан аркы чаралар жана сунуштар өз убагында берилет.

Мындан тышкары окуңуз

Чүй облусу менен Бишкектеги эң ири өнөр жай долбоорлору кайсылар?

Экономика жана коммерция министрлигинин биринчи орун басары Чоро Сейитов Бишкек шаарында жана Чүй облусунда ишке ашырылып жаткан негизги инвестициялык долбоорлор тууралуу айтып берди. Анын айтымында, жаңы өндүрүштөрдүн ачылышы өлкөдө миңдеген жумуш орундарын түзүп, миллиарддаган инвестицияларды тартат. Эң ири долбоорлордун бири — Resto компаниясы тарабынан электр энергиясын өндүрүүчү объекттерди куруу. Бул секторго

ИИМ: Коррупциялык кылмыштар үчүн катуу жаза каралган

Коррупция коом жана мамлекет үчүн олуттуу коркунучтардын бири бойдон калууда. Ал жарандардын мамлекеттик институттарга болгон ишенимин төмөндөтүп, адилеттүүлүк принцибин бузат жана өлкөнүн өнүгүүсүнө олуттуу зыян келтирет. Бул тууралуу ИИМдин басма сөз кызматы билдирди. Маалыматка ылайык, Кыргыз Республикасынын Кылмыш-жаза кодексине ылайык коррупциялык аракеттер үчүн катуу жоопкерчилик каралган. Тактап айтканда: * 336-берене (Коррупция)

Жети-Өгүздө 34 млн сомдук жер тилке мамлекетке кайтарылды

Жети-Өгүз районунун прокуратурасы тарабынан жер мыйзамдарынын аткарылышын текшерүү учурунда мыйзам бузуу фактылары аныкталды. Бул тууралуу Башкы прокуратурадан билдиришти. Текшерүүнүн жүрүшүндө Жети-Өгүз районуна караштуу Барскоон айыл өкмөтүндө жалпы аянты 0,20 гектар айыл чарба багытындагы жер тилкеси мыйзам бузуу менен жеке менчикке өтүп кеткендигибелгилүү болгон. Ошондой эле аталган жер тилкесине мыйзамсыз

Бишкекте 17-мартта айрым аймактарда ичүүчү суу өчүрүлөт

Бишкекте 17-мартта саат 09:00дөн 16:00гө чейин турак жай имараттарына, мектептерге, мектепке чейинки билим берүү мекемелерине, саламаттыкты сактоо мекемелерине жана башка социалдык жана өнөр жай объектилерине ичүүчү суу берүү токтотулат. Бул тууралуу муниципалитеттен билдиришти. Өчүрүү аймагы: Ч. Айтматов пр., 93/1; 93/2; 93/3; 93/4; 93/5;