Жаңы үлгүдөгү айдоочулук күбөлүк бекитилди
Министрлер Кабинети Кыргыз Республикасынын 2025-жылкы үлгүдөгү улуттук айдоочулук күбөлүгүнкиргизүү боюнча токтом кабыл алды. Тиешелүү чечимге Министрлер Кабинетинин Төрагасы Адылбек Касымалиев кол койду. Бул тууралуу Өкмөттүн басма сөз кызматы билдирди.
Токтом менен 2025-жылкы үлгүдөгү улуттук айдоочулук күбөлүктүн сүрөттөлүшү жана үлгүсү бекитилди. Учурда берилген 2019-жылкы үлгүдөгү улуттук айдоочулук күбөлүгүн берүү бул айдоочулук күбөлүктөрдүн бланктары аяктаганга чейин жүргүзүлөт. Бланкалар бүтөөрү менен айдоочуларга 2025-жылкы үлгүдөгү күбөлүктөр бериле баштайт.
КРнын Президентинин Иш башкармалыгына караштуу "Кызмат" мамлекеттик мекемеси 2025-жылкы үлгүдөгү улуттук айдоочулук күбөлүктү персонификациялоого ыйгарым укуктуу. Ошондой эле, КРнын Тышкы иштер министрлиги чет мамлекеттерди Кыргыз Республикасында жаңы үлгүдөгү айдоочулук күбөлүктүн киргизилиши тууралуу маалымдоо иштерин жүргүзөт.
