Таластын төө буурчагы Дубайга экспорттолот
Суу ресурстары, айыл чарба жана кайра иштетүү өнөр жайы министри Бакыт Төрөбаев Биринчи радиого берген маегинде Талас облусунда төө буурчак өстүргөн дыйкандарды колдоо боюнча көрүлгөн чаралар тууралуу айтып берди.
Министрдин айтымында, күз мезгилинде төө буурчактын баасы кескин төмөндөп кеткен учурда дыйкандарды колдоо максатында Министрлер Кабинети тарабынан 100 миллион сом бөлүнүп, 1 000 тонна төө буурчак 95 сомдон мамлекеттик сатып алууга алынган.
"Күзүндө дыйкандар балдарын мектепке, жогорку окуу жайларга даярдап, каражатка муктаж болушат. Дал ошол маалда төө буурчактын баасы арзандап кетет. Мамлекет бул абалга кайдыгер караган жок", — деди министр.
Ошондой эле Бакыт Төрөбаев төө буурчакка болгон баа январь-февраль айларында дагы жогорулайт деген божомол бар экенин билдирди. Учурда продукцияны Индия, Иран, Россия, Түркия сыяктуу өлкөлөргө экспорттоо боюнча сүйлөшүүлөр жүрүп, Дубайга сатуу маселеси активдүү талкууланууда.
Министр Таластагы дыйкандарга төө буурчак менен катар кант кызылчасын жана сафлор өстүрүүнү сунуштады. Анын айтымында, сафлордон май, жем жана саман алынып, ал мал чарбачылыгы үчүн баалуу тоют болуп саналат. Бүгүнкү күндө өлкөдө сафлор майын өндүргөн 50дөн ашуун чакан ишкана иштеп жатат. Сайтка жаңылык жазып берчи так жана тушунуктуу
