Бишкек мэриясы майыптыгы бар балдарга колдоо көрсөттү
Бишкек шаарынын мэриясынын аппарат кызматкерлеринин демилгеси менен мурда корпоративдик иш-чара өткөрүүгө пландалган профсоюз комитетинин каражаттары майыптыгы бар балдарга социалдык колдоо көрсөтүүгө багытталды.
Муниципалитеттин маалыматына ылайык, бул алкактта шаар мэри Айбек Джунушалиев №30 атайын мектепке барды жана окуучуларга спорттук машыгуу жабдууларын тапшырды. Мэр окуучуларды жана педагогикалык жамаатты келе жаткан Жаңы жылы менен куттуктап, балдарды Бишкек шаарынын мэринин жаңы жылдык балатысына чакырды.
Шаар башчысы мектептеги окуу жана жашоо шарттары менен таанышып, медициналык кабинетти жабдуу жана сапаттуу медициналык жана реабилитациялык жардам көрсөтүү үчүн мэриянын резервдик фондунан кошумча каражат бөлүү чечимин кабыл алды.
Буга чейин Свердлов акимиаты Эл аралык майыптар күнүнө карата мектепке медициналык жабдуулар: текшерүү столу, офтальмологиялык карта, дарылоо столу жана дары-дармек кутучасын сатып алган.
Белгилей кетсек, №30 атайын мектеп 1938-жылдан бери майыптыгы бар балдарга билим берип келет жана учурда 288 окуучу билим алууда.
