2030-жылга чейин айылдарга дагы ипотекалык үйлөр курулат
Президент Садыр Жапаров IV Элдик курултайда сүйлөп жатып, 2030-жылга чейин айыл жерлеринде дагы ипотекалык турак жайлар курула турганын билдирди.
Мамлекет башчынын айтымында, облустук деңгээлдеги шаарлардагы курулуш иштери бүткөндөн кийин, 33 кичи шаарда жана 44 райондо турак жайлар курулуп, андан кийин айылдарга чейин жайылтылат.
Ошондой эле өлкө башчысы Мамлекеттик ипотекалык турак жайлардын бааларына токтолду. Ал белгилегендей, мурда жеке курулуш компаниялары үйлөрдү чарчы метрин 600-700 доллардан курууну сунуш кылышкан, бирок макул болбой, милдеттүү түрдө 1 000 доллардан гана салууга макул болушкан. Мындан улам, мамлекет "Кыргызстройсервис" мамлекеттик компаниясын ачып, “Мурас” конушунда чарчы метрин 700 доллардан куруп, Мамлекеттик ипотекалык компанияга өткөрүп берүүдө.
Президенттин айтымында, Мамлекеттик ипотекалык компания квартирлерди калкка 25 жылга, чарчы метрин 950 доллардан сунуштап жатат, бул баага инфляция да кирген.
