Жаңы жылдык каникулдар 12-январга чейин узартылды

Үй-бүлө институтун бекемдөө жана ата-энелердин балдары менен биргеликте эс алуусуна шарт түзүү максатында КРнын Министрлер Кабинети токтом кабыл алды.

Эмгек жана социалдык камсыздоо министрлигинен кабарлагандай, токтомдо мамлекеттик бюджеттен каржыланган мамлекеттик жана муниципалдык мекемелердин, уюмдардын жана ишканалардын кызматкерлери үчүн жаңы жылдык каникулдарды эки календардык күнгө — 2026-жылдын 8 жана 9-январына узартуу каралган.

Ага ылайык, жеке менчик формасындагы юридикалык жактардын жетекчилерине бул токтомду өз ишмердүүлүгүндө эске алуу сунушталат.

Тиешелүү документ 2026-жылдын 1-январынан тартып расмий турдө күчүнө кирет.

Ошентип, кыргызстандыктар 2026-жылдын 12-январында жумушка чыгышы күтүлүүдө.