Коом

Өзбекстанда электр кубаттоочу станциялар жана алардын компоненттери бажы алымынан бошотулат

Ишкер Media

04 янв. 2026 11:01

Өзбекстан президенти Шавкат Мирзиёевдин жарлыгына ылайык, электр унааларын кубаттоочу станциялар жана алардын компоненттери 2028-жылга чейин бажы алымдарынан бошотулат.

Бул тууралуу Сentral Аsia.media маалымдады. Билдирүүгө караганда, Президент экономикалык тармактарды колдоо жана калктын айрым керектөө товарларына болгон муктаждыктарын канааттандыруу жөнүндө жарлыгына кол койду. Жарлыкка ылайык, импорттолгон электр унааларын кубаттоочу станциялар, алардын компоненттери жана тейлөө инфраструктурасы үчүн жабдуулар 2026-2027-жылдар аралыгында бажы алымдарынан бошотулат.

Мындан сырткары жибек өндүрүшүндө колдонулган ийрүү жана токуу машиналарынын запастык бөлүктөрүнө эки жыл бою алымдардан бошотулат. Тыттын уруктары жана көчөттөрү, ошондой эле өнөр жайлык, элиталык жана суперэлиталык жибек курттары алымдардан бошотулган.

Калдыктарды башкаруу тармагында да салык жеңилдиктери киргизилет. 2031-жылдын 1-январына чейин Калдыктарды таштоочу жайларды башкаруу дирекциясы жана санитардык тазалоо жана кайра иштетүү менен алектенген компаниялар киреше салыгын жана социалдык салыкты 1% өлчөмүндө төлөшөт.

Мурда Өзбекстан электромобилдер үчүн жеңилдетилген автонасыяларды киргизери кабарланган. Ошондой эле, аларды кубаттоочу станциялар үчүн өкмөттүн колдоосу күтүлүүдө.

Мындан тышкары окуңуз

Эки айда айыл чарба продукциясы 29,8 млрд сомго жетти

Быйыл январь-февраль айларынын жыйынтыгы боюнча Кыргызстанда экономикалык өсүштүн оң динамикасы сакталууда. Бул тууралуу экономика жана коммерция министрлигинен билдиришти. Улуттук статистика комитетинин алдын ала маалыматына ылайык, ички дүң продукциянын (ИДП) көлөмү 264,1 млрд сомду түзүп, өсүү темпи 108,8 % болду. Айыл чарба тармагында эки ай ичинде 29,8 млрд сомдук

"Дордой" базарынын дал ортосунан өткөн жаңы жол курулат

Бишкектеги "Дордой" базарынын ички инфраструктурасын жакшыртуунун алкагында Ибраимов жана Элебесов көчөлөрүн туташтыруучу жаңы жолду, ошондой эле борбордук өтмөккө чейинки кошумча жолду салуу пландалып жатканын калаа мэри Айбек Жунушалиевдин "Дордой" ассоциациясынын президенти Аскар Салымбеков менен болгон жолугушуусунда белгилүү болду. Тараптар базардын ички инфраструктурасын өнүктүрүү жана көрктөндүрүү маселелерин

Адамдарды кайырчылыкка тарткандарга 20 миң сом айып пул салынат

Жогорку Кеңештин сот-укуктук маселелер, укук тартиби жана кылмыштуулукка каршы күрөшүү боюнча комитети кайырчылыкка каршы мыйзам долбоорун экинчи окууда жактырды. Мыйзам долбооруна ылайык, Укук бузуулар кодексине кайырчылыкка байланыштуу жаңы нормаларды киргизүү сунушталууда. Ага ылайык: * жолдун жүрүүчү бөлүгүндө кайыр сурагандыгы үчүн, * же коомдук жайларда адамдарга жабышып, акча же жардам сурагандыгы үчүн жаза

Бишкектеги №195 каттамдын кыймыл чиймеси убактылуу өзгөртүлдү

Бишкек шаарында оптимизациялоо иштеринин алкагында, 2026-жылдын 18-мартынан тартып №195 каттамдын кыймыл-чиймеси убактылуу өзгөртүлөт. Бул тууралуу муниципалитеттен билдиришти. Буга ылайык, аталган каттам мындан ары Бөкөнбаев көчөсү аркылуу эмес, Логвиненко көчөсү аркылуу өтөт. Урматтуу шаар тургундары жана коноктору, киргизилген өзгөртүүлөрдү эске алып, сапарларыңызды алдын ала пландап алууну өтүнөбүз. Ошондой эле коомдук транспортту