ИИМ кышкы каникулда балдардын коопсуздугуна көңүл бурууга чакырат
Ички иштер министрлиги кышкы жана жаңы жылдык каникулдардын башталышына байланыштуу ата-энелерди жана мыйзамдуу өкүлдөрдү балдардын коопсуздугун камсыздоого өзгөчө көңүл бурууга чакырат.
ИИМдин маалыматына ылайык, каникул маалында балдар көчөдө жана коомдук жайларда көбүрөөк убакыт өткөргөндүктөн, алардын кайда жана ким менен жүргөнүнө көз салуу маанилүү. Ошондой эле жол кыймылынын эрежелерин сактоо, тайгак жолдордо этият болуу жана коопсуз жүрүм-турум эрежелерин балдарга түшүндүрүү зарыл.
Министрлик кыш мезгилинде жол кырсыктарынын жана башка кырсыктардын коркунучу жогорулай турганын эскертип, балдарды жол боюнда ойноого жол бербөөгө чакырат.
Учурда ички иштер органдары жашы жете электер арасындагы укук бузуулардын алдын алуу боюнча профилактикалык иштерди жүргүзүүдө.
