Алдамчылык фактысы жана үй-бүлөөлүк зомбулук менен шектелип, экс депутат кармалды
ИИМдин Басма сөз кызматынын маалыматына караганда, 2022-жылы жаран Б.А.Т. алдоо жолу менен ири өлчөмдө акча каражаттарын алып, каражаттарды жеке максаттарына жумшаганы аныкталды. Буга шектүү катары 1966-жылы туулган Б.А.Т. кармалды.
Мындан тышкары, ички иштер органдарына аталган адамдын жубайынан буга чейин үй-бүлөлүк зомбулук боюнча кайрылуулар келип түшкөн. Бул материалдар катталып, мыйзамда белгиленген тартипте каралып, тергөө иш-чаралары уланууда.
Ал ортодо, Азаттык үналгысы бул шектүү жаран буга чейин Жогорку Кеңештин депутаты - Аккулу Бердиев болгондугун жарыялады.
Эске салсак, Аккулу Бердиев Жогорку Кеңештин 7-чакырылышында “Бүтүн Кыргызстан” партиясынын тизмеси менен Адахан Мадумаровдун ордуна депутат болуп келген болчу.
