Оштогу П.Арзыкулов көчөсү капиталдык оңдоодон кийин пайдаланууга берилди
Бүгүн, Ош шаарындагы Курманжан датка жана Алымбек датка көчөлөрүн бириктирген П.Арзыкулов көчөсү капиталдык оңдоп-түзөөдөн өткөрүлүп, пайдаланууга берилди. Бул тууралуу Ош шаарынын мэриясынан билдиришти.
Жолду шаар мэри Жеңишбек Токторбаев, шаардык кеңештин төрагасы Болот Баетов жана жергиликтүү жашоочулар ачышты.
Арзыкулов көчөсүнүн узундугу 300 метр, туурасы 10 метр болуп, жол эки тилкелүү түрдө оңдолду. Бир тарапка тротуар, жашыл аймак жана ирригациялык лотоктор орнотулду.
Көчөнү оңдоп-түзөө иштеринин планы мэр Жеңишбек Токторбаевдин рейддик кыдыруусу учурунда берилген тапшырмага ылайык аткарылган. Бардык жумуштар жергиликтүү бюджеттин эсебинен каржыланган.
