Депутат "Бакай-Ата" конушундагы жер тилкелерин каттоону ылдамдатууну суранды

Депутат Уланбек Жаанбаев "Бакай-Ата" турак жай массивиндеги жер тилкелерин каттоону ылдамдатууну Жогорку Кеңештин жыйынында суранды.

Анын айтымында, "Бакай-Ата" жаңы конушу 1989-жылы түзүлгөн жана баш калаадагы алгачкы турак жай массивдеринин бири болуп эсептелет.

"Аймакта негизги инфраструктуралар — газ жана канализация бар, бирок 96 үй-бүлөнүн дагы эле өз үйлөрүнүн менчигин толук каттай албай жатканы көйгөй болуп турат. Алар бизге жер тилкелерин каттоону ылдамдатууну суранууда, анткени жер амнистиясы боюнча президенттин жарлыгынын мөөнөтү март айында бүтөт", — деди Уланбек Жаанбаев.