Кара-Сууда 119 млн сомго жаңы мектеп курулуп жатат
Кара-Суу районунун Тойчу айылында 300 окуучуга ылайыкталган заманбап мектептин курулушу активдүү жүрүп жатат. Долбоор мамлекеттик казынадан каржыланып, имараттын жалпы наркы 119 миллион сомду түзөт. Бул тууралуу Курулуш министрлигинен билдиришти.
Башкы пландын негизинде мектепте 12 окуу классы, дарыгер бөлмөсү, жыйындар залы, китепкана, ашкана жана бардык шарттары менен спорт залы каралган. Мектеп заманбап технология жана конструкция боюнча курулуп, окуучулар үчүн ыңгайлуу жана коопсуз шарттарды камсыз кылууга багытталган.
Курулуш иштерин “Эми-Нур Строй” ЖЧКсы аткарып, долбоор пландын талабына ылайык өз убагында аяктатуу үчүн иштерди тездетип жүргүзүүдө.
