Өзгөндө 1 020 батирлүү турак жай комплекси курулуп жатат
Ош облусуна караштуу Өзгөн шаарында заманбап турак жай комплекси курулуп жатат. Комплекс 18 өз алдынча блоктон туруп, ар бир имарат 5 кабаттуу болуп салынууда. Бул тууралуу Мамлекеттик ипотекалык компаниядан билдиришти.
Жалпы 1 020 батир каралган. Турак жай комплекси өзүнүн отканасы, автоунаа ээлери үчүн кенен унаа токтотмо жайы менен камсыздалат. Ошондой эле балдар үчүн коопсуз жана заманбап оюн аянтчасы курулат.
Долбоордун ички инфраструктурасы тургундар үчүн тынч, коопсуз жана жайлуу жашоо шарттарын түзүүгө багытталган.
