Чүй облусунда эки жаңы оорукана куруу пландалууда
Чүй облусунун Сокулук районунда жана Кара-Балта шаарында жаңы ооруканаларды куруу пландалууда. Бул тууралуу саламаттык сактоо министри Каныбек Досмамбетов Жогорку Кеңештин жыйынында билдирди.
Анын айтымында, Кара-Балта шаарында саламаттык сактоо тармагын жакшыртуу максатында жаңы оорукана куруу чечими кабыл алынган. Министр белгилегендей, бул маселе Президенттин Чүй облусундагы ыйгарым укуктуу өкүлү Азамат Осмонов менен талкууланган.
Баштапкы этапта Кара-Балта шаарындагы оорукананы капиталдык оңдоодон өткөрүү пландалган. Бирок кошумча каржы булактарын табуунун негизинде ремонт иштерин жүргүзбөстөн, жаңы имарат куруу туура деп табылганын билдирди, - министр.
