Кара-Сууда 15,6 млн сомдук жер тилкеси муниципалитетке кайтарылды
Ош облусунун Кара-Суу районунун прокуратурасы жер мыйзамдарынын аткарылышын текшерүү учурунда Савай айыл өкмөтүндө жайгашкан мурдагы балдардын ден соолугун чыңдоо борборуна тиешелүү 0,24 га жер тилкеси 2014-жылы мыйзамсыз жеке жактарга сатылып кеткенин аныктады. Бул тууралуу Башкы прокуратурадан билдиришти.
Райондук прокуратуранын көргөн чараларынын натыйжасында, базар баасы 15,6 млн сомду түзгөн бул жер тилкеси кайрадан муниципалдык менчикке кайтарылды.
Прокуратура органдары мамлекеттик жана муниципалдык менчикти коргоо, социалдык объекттерди мыйзамсыз менчиктештирүүгө жол бербөө жана коомдук кызыкчылыктарды камсыз кылуу багытында ырааттуу жана принципиалдуу иш-аракеттерди улантууда.
