Коом

Тору-Айгырда 62 млн сомдук таза суу долбоору ишке кирди

Ишкер Media

Тору-Айгырда 62 млн сомдук таза суу долбоору ишке кирди

Бүгүн Ысык-Көл облусунун Тору-Айгыр айылында таза ичүүчү суу системасынын салтанаттуу ачылышы болуп өттү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.

Долбоордун алкагында айылдын суу менен камсыздоо системасы толук реконструкцияланып, жалпы сметалык баасы 62 млн 80 миң сомду түзгөн объект республикалык бюджеттин эсебинен каржыланды.

Курулуш иштеринин жүрүшүндө 15 чакырымдан ашык суу түтүк тармагы тартылып, ар бири 300 м³ көлөмүндөгү эки темир-бетон суу резервуары курулду. Ошондой эле 12 өрт өчүрүүчү гидрант, 600 суу эсептегич орнотулуп, бактерициддик тазалоо системасы бар имарат салынды.

Жыйынтыгында 600 үй чарбасы сапаттуу жана коопсуз ичүүчү суу менен камсыз болду.

Долбоор Суу ресурстары, айыл чарба жана кайра иштетүү өнөр жайы министрлигине караштуу Ичүүчү суу менен камсыздоону жана саркынды сууларды чыгарууну өнүктүрүү департаменти тарабынан ишке ашырылды. Система бардык техникалык жана санитардык талаптарга жооп берип, пайдаланууга даяр.

Жаңылыктар биздин Телеграмм каналда

Мындан тышкары окуңуз

Кыргызстанда 2025-жылы жумушсуздардын саны 25%га кыскарды

Кыргызстанда 2025-жылы жумушсуздардын саны 25%га кыскарды

Кыргызстанда 2025-жылдын жыйынтыгы боюнча жумушсуз жарандардын саны 22%га кыскарганын Эмгек министрлигинин коллегиясында министрдин биринчи орун басары Камчыбек Досматов билдирди. Анын айтымында, расмий жумушсуздуктун деңгээли 1,4%ды түздү. Бул көрсөткүч мурунку жылдарга салыштырмалуу төмөн. Тактап айтканда, 2021-жылы — 2,9%, 2022-жылы — 2,8%, 2023-жылы — 2,9%, 2024-жылы — 1,8% болгон.
Келерки жылы шаардык Билим берүү департаментинин бюджети 851 млн сомго көбөйөт

Келерки жылы шаардык Билим берүү департаментинин бюджети 851 млн сомго көбөйөт

Бишкек шаарынын мэриясынын Билим берүү департаментинин жетекчиси Рахат Мусаева  Бишкек шаардык кеңешинин экономика, бюджет, финансы жана инвестициялар боюнча туруктуу комиссиясынын жыйынында ведомствонун 2026-жылга карата бюджетин тааныштырды. Анын айтымында, 2026-жылы департаменттин бюджети 851 млн 566,9 миң сом көлөмүндө пландалууда.  2025-жылы болсо бюджет 437 млн 588,2 миң сомду түзгөн. Ошентип,
Транспорт министрлиги өткөн жылы 1 млрд 167 млн сом киреше тапты

Транспорт министрлиги өткөн жылы 1 млрд 167 млн сом киреше тапты

Транспорт министрлиги 2025-жылдын жыйынтыгын чыгарып, транспорт тармагындагы кирешелердин кескин өскөнүн билдирди. Ведомствонун маалыматына ылайык, лицензияларды жана уруксат кагаздарын берүүдөн, салмактык параметрлерди өлчөөдөн, габариттен ашкан жүктөрдү ташууга атайын уруксаттарды тариздөөдөн, келтирилген зыянды өндүрүүдөн жана административдик айып пулдардан түшкөн жалпы киреше 1 млрд 167 млн 399 миң сомду түзгөн. Салыштыруу үчүн: 2024-жылы
Англияда салатты таңгактоодон Балыкчыдагы сулуулук салонуна чейинки жол: Айзада Коногалиева көптөн берки кыялын кантип ишке ашырды

Англияда салатты таңгактоодон Балыкчыдагы сулуулук салонуна чейинки жол: Айзада Коногалиева көптөн берки кыялын кантип ишке ашырды

Жыл сайын миңдеген кыргызстандыктар Улуу Британияга багыт алышат: кимдир бирөө карызын жапса, дагы бири тойго акча топтойт, ал эми айрымдар үчүн сезонго жараша жумуш “ары-бери” каттаган чексиз айлампага айланууда. Бирок британ талаалары жумушчуга өз мекенинде жеке бизнесин ачууга түрткү болгон окуялар да аз эмес. Айзада Коногалиева – ошолордун бири. “Ишкер медиага”