Кыргызстандан малды сыртка чыгарууга 6 айга тыюу салынды
Министрлер Кабинети айыл чарба жаныбарларын Кыргыз Республикасынын аймагынан сыртка чыгарууга убактылуу тыюу салуу жөнүндө токтом кабыл алды.
Тиешелүү документке Министрлер Кабинетинин төрагасы Адылбек Касымалиев кол койгон.
Чечим өлкөнүн азык-түлүк коопсуздугун камсыз кылуу жана азык-түлүк товарларынын баасын турукташтыруу максатында кабыл алынганы белгиленет.
Токтомго ылайык, ири мүйүздүү малды, жылкыларды, койлорду жана эчкилерди Кыргызстандын аймагынан сыртка чыгарууга алты айлык мөөнөткө убактылуу тыюу салынды.
Атап айтканда, тыюу ЕАЭБдин тышкы экономикалык ишмердүүлүгүнүн товардык номенклатурасынын төмөнкү коддоруна кирген жаныбарларга тиешелүү:
- 0102 – ири мүйүздүү мал;
- 0101 – жылкылар;
- 0104 – койлор жана эчкилер.
Токтомду ишке ашыруу үчүн бир катар мамлекеттик органдарга тиешелүү тапшырмалар берилди.
Толук маалымат менен төмөнкү шилтеме аркылуу таанышууга болот:
https://www.gov.kg/ru/npa/s/4789
