Бишкектин айрым аймактарында 19-мартта суу өчүрүлөт
19-март күнү саат 10:00дөн 18:00гө чейин Бишкек шаарынын айрым аймактарында ичүүчү суу берүү убактылуу токтотулат. Бул тууралуу “Бишкексууканал” муниципалдык ишканасы билдирди.
Маалыматка ылайык, “Көк-Жар” суу топтомосунда оңдоо иштерин жүргүзүүгө байланыштуу турак жай имараттарына, мектептерге, мектепке чейинки билим берүү мекемелерине, саламаттыкты сактоо мекемелерине жана башка социалдык жана өнөр жай объектилерине суу берүү убактылуу токтотулат.
Суу өчүрүлө турган аймактар:
темир жол тилкеси – М. Фрунзе көчөсү – Аламүдүн суусу – Панфилов көчөсү;
темир жол тилкеси – Матросов көчөсү – Горький көчөсү – Гвардейский туюк көчөсү – Бектенов көчөсү – Скрябин көчөсү – Мавлянов көчөсү – 7-апрель көчөсү.
“Бишкексууканал” ишканасы жаралган ыңгайсыздык үчүн кечирим сурап, тургундарды ичүүчү сууну алдын ала камдап алууга чакырат.
Ошондой эле жарандар “Менин шаарым” тиркемесин жүктөп алып, ичүүчү суунун пландуу жана авариялык өчүрүүлөрү тууралуу билдирмелерди алып турушса болот.
