Коом

Айдоочулук күбөлүктөрдү акысыз алмаштыруу өнөктүгү аяктады

Айгерим Качкынбекова

31 мар. 2026 09:53

Президент Садыр Жапаров айдоочулук күбөлүктөрдү акысыз алмаштыруу боюнча убактылуу улуттук өнөктүктү аяктоо тууралуу Жарлыкка кол койду.

Жарлыкка ылайык, колдонуу мөөнөтү көрсөтүлбөстөн берилген айдоочулук күбөлүктөрдү 2025-жылдын үлгүсүндөгү жаңы күбөлүктөргө акысыз алмаштыруу өнөктүгү 2026-жылдын 31-мартында жыйынтыкталды.

Ошол эле учурда, 2026-жылдын 1-апрелинен 31-декабрына чейин мындай күбөлүктөрдү белгиленген тартипте алмаштыруу улантылат. Бул учурда медициналык маалымкат талап кылынбайт.

Мындан тышкары, тиешелүү мамлекеттик органдарга маалыматтык-түшүндүрүү иштерин жүргүзүү, ошондой эле өнөктүктүн жыйынтыгы боюнча отчет даярдоо милдети жүктөлдү.

Белгилей кетсек, 2026-жылдын 31-мартына чейин арыз берген жарандар кызматты мурдагы шарттар менен алышат. Жарлык расмий жарыяланган күндөн тартып күчүнө кирди.

Мындан тышкары окуңуз

Бишкекте 100 мыкты адис аныкталат

Бишкекте 100 мыкты адис аныкталат

Бишкекте 31-мартта Top-100 KYRGYZSTAN Улуттук каталогу боюнча расмий сыйлык тапшыруу аземи өтөт. Бул жыл сайын өткөрүлүүчү долбоор өлкөдөгү лидерлердин кесиптик жетишкендиктерин таанууга жана алардын ишкердик аброюн бекемдөөгө багытталган. Долбоор ишкерлерди, жетекчилерди, эксперттерди жана коомдук ишмерлерди бириктирип, жетишкендиктерди көрсөтүүгө, ишкер байланыштарды өнүктүрүүгө жана таанымалдуулукту жогорулатууга мүмкүнчүлүк берген ачык платформаны түзөт. Кеченин

Ат-Башыда 5,3 млн сомдук мыйзам бузуу аныкталды

Ат-Башыда 5,3 млн сомдук мыйзам бузуу аныкталды

Нарын облусунун Ат-Башы районунда атайын техника сатып алуу учурунда мыйзам бузуулар аныкталып, мамлекетке ири өлчөмдө зыян келтирилгени белгилүү болду. УКМКнын маалыматына ылайык, Ат-Башы айыл аймагында 2025-жылдын апрель айында таштанды ташуучу унаа жана кран-манипулятор сатып алуу боюнча тендер өткөрүлгөн. Анын жыйынтыгында “В” ЖЧКсы жеңүүчү болуп, 10 млн 863 миң сомдук келишим

Түндүк–Түштүк жолу убактылуу ачылат

Түндүк–Түштүк жолу убактылуу ачылат

Президенттин администрациясынын маалыматтык саясат кызматынын башчысы Дайырбек Орунбеков билдиргендей, Түндүк–Түштүк альтернативдик жолунун курулушунда коопсуздук маселелери актуалдуу бойдон калууда. Түндүк–Түштүк альтернативдик жолунун курулушунун жүрүшү жеринде текшерилип, бир катар көйгөйлөр аныкталды. Айрым тилкелерде таш кулап, кар көчкү жана күрткү баскан кооптуу аймактар бар экени белгилүү болду. Учурда жолдун коопсуздугун камсыздоо

УКМК "Улуттук электр станциялар тармактары" АККнын кызматкерлерин кармады

УКМК "Улуттук электр станциялар тармактары" АККнын кызматкерлерин кармады

УКМК кызматкерлери коррупция жана мыйзамсыз акча чогултуу шеги менен "УЭСТ" ААКнын Чүй электр тармактар ишканасынын кызмат адамдарын кармашканын мекеменин басма сөз кызматы билдирди. Маалыматка ылайык, Чүй облусундагы мамлекеттик түзүмдөрдөгү коррупциялык көрүнүштөргө каршы күрөшүүнүн алкагында аталган ишкананын айрым кызматкерлери тарабынан системалуу түрдө мыйзамсыз акча чогултуу фактылары аныкталган. Атайын кызматтын