Жер укугу боюнча эл аралык онлайн семинар өттү

КРнын Жогорку сотуна караштуу Сот адилеттигинин жогорку мектебинде “Кыргыз Республикасындагы жер мамилелери жана жер талаштарын укуктук жөнгө салуу” темасында эл аралык онлайн семинар өткөрдү.

Аталган семинарга КРнын Сот адилеттигинин жогорку мектебинин окутуучулары, Россия Мамлекеттик сот адилеттиги университетинин окутуучулары, Тажикстан Республикасынын Жогорку сотунун судьялары да катышышып, баяндама жасашты.

Иш-чаранын жүрүшүндө Кыргызстандын жаңы Жер кодекси, анын өзгөрүүлөрү жана колдонуу өзгөчөлүктөрү тууралуу баяндалып, жер талаштарын чечүүнүн укуктук механизмдери талкууланды.

Семинарга келген Россия жана Тажикстандык эксперттер, экологиялык укук, жарандардын укуктарын соттук коргоо жана жаратылыш ресурстарын пайдалануу маселелери боюнча маалымат беришти.

Жыйынтыгында катышуучулар семинардын жүрүшүндө көтөрүлгөн актуалдуу маселелерди талкуулап, пикир алмашып, иш-чара жогорку деңгээлде өткөнүн белгилешти.