Кайсы жерлерде балык уулоого болбойт? Адистер кооптуу аймактарды атады
Суу ресурстары, айыл чарба жана кайра иштетүү өнөр жайы министрлигине караштуу Балык өнөр жайы комплекси департаменти жарандарды коопсуздук эрежелерин сактоого чакырат.
Ведомствонун маалыматына ылайык, Энергетика министрлигинин 2023-жылдын 14-июлундагы буйругу менен бекитилген эрежелерге ылайык, чыңалуусу 1000 вольттон жогору болгон электр тармактарынын коопсуздук зоналарында жана алардын астында ар кандай иш-чараларды жүргүзүүгө катуу тыюу салынат. Бул адам өмүрүнө олуттуу коркунуч жаратат.
Ошондой эле балык уулоого бир катар чектөөлөр киргизилген. Тактап айтканда, электр чубалгыларына, трансформаторлорго жана жогорку чыңалуудагы мамыларга 50 метрден жакын жерде балык уулоого болбойт.
Мындан тышкары, дарыялардын жана каналдардын оозуна жакын аймактарда, плотина, шлюз жана көпүрөлөрдүн жанында, ошондой эле суу астындагы магистралдык каналдарда жана мелиоративдик системаларда балык уулоого тыюу салынат.
Департамент жарандарды белгиленген эрежелерди так сактоого чакырып, коопсуздук талаптарын бузбоо маанилүү экенин эскертти.
