Ошто кооптуу каналдар иретке келтирилип, жээктери бекемделет
Ош шаарында кооптуу каналдарды иретке келтирүү жана жээктерин бекемдөө иштери жүргүзүлөт. Бул тууралуу мэриядан билдиришти.
Маалыматка ылайык, шаар мэри Жанарбек Акаев Министрлер Кабинетинин Төрагасынын орун басары – суу ресурстары, айыл чарба жана кайра иштетүү өнөр жайы министри Эрлист Акунбеков жана тиешелүү кызмат өкүлдөрү менен биргеликте каналдардын абалын жеринен көрүп чыкты.
Текшерүүнүн жүрүшүндө каналдардын жээктерин бекемдөө, сел коркунучтарын азайтуу жана айланасын көрктөндүрүү маселелери талкууланды.
Ошондой эле шаар аймагынан өткөн каналдардын кооптуу жана ачык тилкелерин иретке келтирүү максатында жээктери бекемделип, тосмолор орнотулары белгиленди.
