Токтогул районунда 15 миң альбион кулпунайы отургузулуп жатат
Токтогул районунда жаңыдан түзүлгөн “Кадикс Шер” кооперативи Калифорния штатынан кулпунайдын Альбион сортунан 15000 даана алып келип тигип жатат.
Кооперативге райондун 11 тургуну мүчө болуп, Канатбек Шермамбетов жетекчилик кылат.
Аталган кооперативге Айыл чарба жерлерин кайра бөлүштүрүү фонду тарабынан 4,5 гектар жер бөлүнүп берилди. Кооператив 3000 куб суу бата турган бассейн салып, тамчылатып сугаруу системасын киргизди.
Кулпунай түшүмгө кирсе, жергиликтүү тургундарга дагы сезондук жумуш орундары түзүлөт.
