Бишкектеги 3 көчөдө тротуар куруу иштери жүрүүдө
“Бишкекасфальтсервис” муниципалдык ишканасы Бишкек шаарындагы Алтын-Ордо, Кадырбай, Кадыр Ата көчөсүнө чейинки бөлүгүндө тротуарга асфальт басуу иштери аяктоо алдында турат.
Бишкек шаардык мэриясынын маалымат кызматынын айтымына караганда, жаңы салынган тротуардын узундугу 430 метрди түзөт. Долбоордун алкагында көчөнүн түндүк тарабына тротуар курулуп, ирригациялык тутуму орнотулду.
Аталган долбоор шаардык инфраструктуранын сапатын жакшыртууга, жол кыймылынын коопсуздугун камсыз кылууга жана шаар тургундары үчүн ыңгайлуу шарттарды түзүүгө багытталган.
