Фитосанитардык жана токсикологиялык лабораторияларды куруу маселеси талкууланды
Өсүмдүктөрдү химиялаштыруу, коргоо жана карантин департаментинин директору Максат Кочеров Кытай Эл Республикасынын Синьцзянь -Уйгур автономиялык районунун Кызыл-Суу Кыргыз автономиялык округунун губернаторунун орун басары Вэнь Гуанхуа баштаган делегация менен жолугушту.
Айыл чарба министрлигинин маалыматына караганда, делегациянын курамында Кызыл-Суу Кыргыз автономиялуу округунун Илим жана технологиялар башкармалыгынын өкүлдөрү, Кыргызстандагы өкүлчүлүктүн жетекчиси жана Шинжаңдын функционалдык айыл чарбасын биоинженериялоо жана интеллектуалдык өндүрүш боюнча негизги лабораториясынын директору болду.
Жолугушууда фитосанитардык жана токсикологиялык лабораторияларды куруу, аталган багыттар боюнча кызматташтыкты өнүктүрүү жана тажрыйба алмашуу маселелери талкууланды.
