Ошто 10 сейил бак пайдаланууга берилди
Ош шаарынын мэри Жанарбек Акаевдин 100 күндүк ишмердүүлүгүнүн алкагында 10-июнь шаарда 10 заманбап сейил бак пайдаланууга берилди. Бул тууралуу Ош шаардык мэриясыныны басма сөз кызматы билдирди.
Маалыматка ылайык, буга чейин каралбай келген аймактар толугу менен жаңыланып, тургундар үчүн ыңгайлуу эс алуу жайларына айланды. Бардык иштер “Оштогу көрктөндүрүү жана жашылдандыруу чарба комбинаты” муниципалдык ишканасы тарабынан аткарылды.
Жаңы сейил бактардын даректери:
1. И.Раззаков көчөсү, №38 үйдүн арты
2. А.Шакиров көчөсү, №271 үйдүн арты
3. А.Шакирова көчөсү, №8 үйдүн арты
4. Алымбек-Датка көчөсү, Атайын оорукананын жанындагы №1 сейил бак
5. Алымбек-Датка көчөсү, Атайын оорукананын жанындагы №2 сейил бак
6. И.Раззаков көчөсү, №28 үйдүн арты
7. И.Раззаков көчөсү, №22 жана №24 үйлөрдүн ортосу
8. Шота-Руставели – Р.Моминова көчөлөрүнүн кесилиши
9. Н.Байтемиров көчөсү, Шота-Руставели №126г үйдүн арты
10. Н.Исанов көчөсү, №123 үйдүн арты – бул сейил бакты жасалгалоого Кызыл Ай коому да салым кошту.
Бардык сейил бактарда тротуарлар төшөлүп, заманбап жарыктандыруу орнотулуп, отургучтар жана таштанды урналары коюлду. Айрым жерлерде көп кабаттуу үйлөрдүн фасаддары актап-сырдалды.
Ош шаарында жалпы аянты 2,57 гектарды түзгөн 10 жаңы жашыл аймак түзүлдү. Бул иштер шаардын архитектуралык келбетин жакшыртып, экологиялык абалын чыңдоого жана тургундар үчүн ыңгайлуу шарттарды түзүүгө чоң салым кошту. Шаар мэри Жанарбек Акаев өз сөзүндө жашылдандыруу улантыларын, дагы 10 сейил бакты жасоо боюнча чечим кабыл алынганын айтып, бул долбоор эң ириде шаар жашоочуларынын ыңгайлуулугуна багытталганын билдирди.
