Кар көчкү корунучу жогору тилкелерде илимий изилдөө жүргүзүлдү
Өзгөчө кырдаалдар министрлигине караштуу Гидрометеорология кызматынын Кар көчкү бөлүмүнүн адистери Балыкчы – Казарман – Манас унаа жолунун 326–349-чакырымдарындагы кар көчкү коркунучу жогору болгон тилкелерде талаа изилдөө иштерин жүргүзүштү. Бул тууралуу ӨКМден билдиришти.
Маалыматка таянсак, изилдөөнүн негизги максаты жол кыймылынын коопсуздугун жогорулатуу жана кар көчкүдөн коргоочу галереяларды куруу боюнча илимий негизделген сунуштарды иштеп чыгуу.
Талаа иштеринин жүрүшүндө адистер заманбап инновациялык технологияларды колдонуу менен тоо капталдарынын жогорку тактыктагы санариптик моделдерин түзүштү.
Ошондой эле кар көчкүнүн пайда болуу мүмкүн болгон аймактары аныкталып, анын жылыш траекториясы жана негизги параметрлери боюнча тиешелүү эсептөөлөр жүргүзүлүүдө.
Жүргүзүлүп жаткан изилдөөлөрдүн жыйынтыгы кар көчкү коркунучун азайтууга, жол инфраструктурасынын коопсуздугун камсыздоого жана алдын алуу иш-чараларынын натыйжалуулугун жогорулатууга өбөлгө түзөт.
