Шопоков шаарына жаңы сейил бак курулат
Курулуш, архитектура жана турак жай-коммуналдык чарба министрлигине караштуу Шаар куруу жана архитектура департаментинин Сокулук райондук шаар куруу жана архитектура башкармалыгы тарабынан Шопоков шаарынын Ленин көчөсүндө жайгашкан аймакка жаңы сейил бак куруунун эскиздик долбоору иштелип чыкты.
Курулуш министрлигинин маалыматына ылайык, долбоор шаар тургундары үчүн заманбап эс алуу жана сейилдөө мейкиндигин түзүүгө багытталган. Сейил бакта жашылдандыруу, жөө адамдар үчүн аллеялар, отургучтар, жарыктандыруу тутумдары, чакан архитектуралык формалар жана эс алуу үчүн ыңгайлуу шарттарды түзүү каралган.
Жаңы сейил бактын курулушу шаардын архитектуралык көрүнүшүн, экологиялык абалды жакшыртууга жана тургундар үчүн заманбап коомдук мейкиндикти түзүүгө өбөлгө түзөт.
