Бишкекте абаны булгаган айдоочуларга 22 миң 500 сом айып салынды
Бишкекте 28-июлда атмосфералык абаны коргоо жана абанын булганышын алдын алууга багытталган рейддик иш-чара өттү. Бул тууралуу Жаратылыш ресурстары, экология жана техникалык көзөмөл министрлигинин басма сөз кызматы билдирди.
Маалыматка ылайык, Экологиялык жана техникалык көзөмөл кызматынын тескөөчүлөрү Жол кыймылынын коопсуздугун камсыздоо кызматынын кызматкерлери менен биргеликте текшерүү иштерин жүргүзүштү.
Иш-чаранын жүрүшүндө мыйзам талаптарын одоно бузган жарандарга карата 3 протокол түзүлүп, жалпы 22 500 сом өлчөмүндө айып салынды.
Экологиялык көзөмөл кызматы билдиргендей, рейддин негизги максаты — жарандардын экологиялык мыйзамдарды сактоо боюнча жоопкерчилигин жогорулатуу, укук бузуулардын алдын алуу жана айлана-чөйрөгө зыян келтирген аракеттерге бөгөт коюу.
с
