Wildberries жарылуудан жабыркагандарга 40 млн рублдан ашык жардам көрсөттү
Wildberries компаниянын логистикалык объектилерине жасалган чабуулдардан жапа чеккендерге көрсөтүлгөн колдоо боюнча жыйынтыктарды жарыялады. Бүгүнкү күнгө карата компенсациянын жалпы суммасы 40 миллион рублдан ашты. Оор жаракат алган жана каза болгондордун үй-бүлөлөрүнө алгачкы төлөмдөр 21-июлда берилген. Бул тууралуу орусиялык ЖМКлар маалымдашты.
Маалыматка таянсак, компания адистештирилген медициналык жардамга кайрылган ар бир адам менен байланышта болууда. Байланыш борборунун операторлору окуяга тиешеси бар адамдар жана алардын жакындары менен жеке байланышып, алардын учурдагы абалын сурап билүүдө, мындан аркы жардамга болгон муктаждыкты баалоодо, ошондой эле ар кандай суроолорго же кооптонууларга жооп берүүдө. Буга чейин эле жүздөгөн адамдарга психологиялык колдоо көрсөтүлдү, ал эми тиешелүү корпоративдик топтор күнү-түнү тынымсыз иштеп келет.
Компания трагедиядан жапа чеккендердин баарына ар тараптуу колдоо көрсөтүүнү улантып, алар менен түздөн-түз байланышта болот.
