Кыргызстанда бала бакчага ыйлайыктуу 40 потенциалдуу имарат бар
Башкы прокуратура мурда бала бакча катары колдонулган 25 имаратты Билим берүү министрлигинин балансына кайтарганын вице-министр Надира Жусупбекова парламенттик комитеттин жыйынында билдирди.
Анын айтымында, кайтарылган объекттерден тышкары, министрликтин карамагында ар кандай реформалардан кийин алынган башка имараттар да бар.
Ошентип, учурда бала бакчалар үчүн болжол менен 40 потенциалдуу имарат эсептелген. Мунун ичинен "Келечек үчүн билим" долбоору алкагында оңдолуп, керектүү жабдуулар менен камсыздалуучу 9 имарат эки негизги критерий боюнча тандалат:
Аймактагы калктын тыгыздыгы жана бала бакчаларга болгон муктаждык деңгээли эске алынат.
Имарат инженердик текшерүүдөн өткөрүлөт: адистер каркас конструкцияларынын абалын баалашат, эгерде "скелет" колдонууга жарактуу болсо, оңдоо иштерин жүргүзүүгө уруксат берилет.
Кыргызстанда бардык жаштагы балдарды бала бакчалар менен камсыз кылуу үчүн 557 бала бакча куруу зарыл. Учурда 3–5 жаштагы балдардын бала бакчалар менен камсыздоо деңгээли болгону 51%ды түзөт.
