МинКаб КУУнун 8-корпусун 3 жылга бекер пайдаланууга берди

Мелис Совет уулу

03 апр. 2026 18:37

МинКаб Жусуп Баласагын атындагы Кыргыз улуттук университетинин Фрунзе көчөсү 547 дарегинде жайгашкан корпусун "Бишкектеги Француз Альянсына" пайдаланууга берди. Тиешелүү тескемеге төрага Адылбек Касымалиев кол койду.

Бул даректе КУУнун 8-корпусу жайгашкан жана университеттин балансында турат.

Документ социалдык маанидеги долбоорлорду жана демилгелерди колдоого багытталган. Ага ылайык, Мамлекеттик мүлктү башкаруу агенттиги "Француз Альянсы Бишкекте" коомдук бирикмесине аянты 97,3 чарчы метр болгон жайды 3 жылдык мөөнөткө акысыз пайдаланууга берүүгө милдеттендирилди.

Имарат акысыз берилгени менен коммуналдык кызматтар жана эксплуатациялык чыгымдар уюм тарабынан төлөнөт. Ошондой эле тиешелүү келишим түзүү милдеттүү шарт болуп саналат.

Тескемеге ылайык, уюм бул жайды маданий жана билим берүү максатында гана колдонууга тийиш. Үчүнчү жактарга пайдаланууга берүү, субижарага өткөрүү (айрым учурлардан тышкары) жана мүлктү кандайдыр бир жүктөмгө коюу тыюу салынат.

Жусуп Баласагын атындагы Кыргыз улуттук университетине бул чечимди ишке ашыруу боюнча тиешелүү чараларды көрүү сунушталды.

Юстиция министрлигинин маалыматына ылайык, "Француз Альянсы Бишкекте" 2009-жылдын 18-декабрында кайра каттоодон өткөн. Уюм маданият жана эс алуу тармагында коомдук ишмердүүлүк жүргүзөт.

Мындан тышкары окуңуз

"Сүрөтчүлөр үйү" боюнча талаш: мэрия маалыматтарды четке какты

Бишкек шаарынын мэриясы жалпыга маалымдоо каражаттарында тараган "Сүрөтчүлөр үйү" боюнча токтом долбоору соттун чечиминен кийин кайра чакыртып алынган деген маалыматтарды четке какты. Бул тууралуу муниципалитеттен билдиришти. Муниципалитеттин билдирүүсүнө ылайык, долбоор коомдук талкууда турган учурда да, аны күн тартибинен алып салуу каралып жаткан учурда да сот тарабынан чектөө чаралары

"АБанк" агроөндүрүүчүлөрдү колдоого 500 млн сом бөлдү

"АБанк" ААКы айыл чарба өндүрүүчүлөрүн, кооперативдерди жана агробизнести колдоого багытталган "Бириккен товар өндүрүүчүлөрдү каржылоо – 2" (ФОТП–2) программасын ишке киргизди. Бул максатта 500 млн сом каражат бөлүндү. Жаңы продукт айыл чарба кооперативдерине, акционердик коомдорго жана ЖЧКларга багытталган. Программа үч негизги багытты камтыйт: мал чарбачылыгы, өсүмдүк өстүрүү

Бишкекте бирөөнүн 150 миң долларын алдап алган шектүү кармалды

Свердлов райондук ички иштер башкармалыгы 3-апрелде өзгөчө ири өлчөмдөгү алдамчылыкка шектүүлөр кармалганын билдирди. Маалыматка ылайык, 2025-жылдын 4-июлунда Бишкек шаарынын тургуну милицияга арыз менен кайрылган. Анын айтымында, ал 2023-жылдын 26-июлунда 150 миң долларын Кытайга которуп берүү үчүн берген, бирок алданган. Бул факт Кылмыш-жаза кодексинин 209-беренеси ("Алдамчылык") боюнча катталган. Милиция

Кыргызстандын өкүлү эл аралык соода комитетинде вице-төрага болуп шайланды

1-3-апрелде Бангкок шаарында Азия жана Тынч океан регионунда трансчек аралык кагазсыз сооданы жөнөкөйлөтүү боюнча Алкактык макулдашуунун Туруктуу комитетинин бешинчи сессиясы өттү. Бул тууралуу Экономика жана коммерция министрлигинен билдиришти. Жыйындын алкагында Экономика жана коммерция министрлигинин өкүлү Заир Конурбаев Туруктуу комитеттин төрагасынын орун басары болуп шайланды. Ал эми төрага болуп Азербайжан Республикасынын