Wildberries Кыргызстанда өндүрүшүн ачса, кыргыз тигүүчүлөрүнө конкуренция болот — Рысгүл Акимжанова

Wildberries Кыргызстанда өндүрүшүн ачса, кыргыз тигүүчүлөрүнө конкуренция болот — Рысгүл Акимжанова

"Бай Элим" компаниясынын негиздөөчүсү, ишкер Рысгүл Акимжанова Wildberries компаниясынын директору Татьяна Бакальчуктун Кыргызстанга келүү максаты жөнүндө өз пикирин айтты. Эскерте кетсек, Бакальчук 23-июнда Бишкекте өткөн E-comkg 2023 форумуна катышууга келген эле жана ал министрлер кабинетинин төрагасы Акылбек Жапаров менен инвестициялык долбоорлорду да талкуулаган.

Төмөндө кыргызстандык ишкер Рысгүл Акимжанованын Wildberries Кыргызстанда өндүрүшүн ачса кандай болоору тууралуу пикирин түз беребиз.

"Кыргызстандын тарыхында "Made in Kyrgyzstan" маркасын көтөрүп, эң чоң көлөм менен экспортто өзүнүн ордун тапкан бирден бир продукт — бул тигүү тармагы. Чек ара көйгөйү турса да, бизде чийки зат жоктугуна, аны Кытай, Түркия, Өзбекстандан ташып келгендерине карабай, мамлекет тараптан колдоо болбосо да, биздин жеңил өнөр жай тармагы экспортто жана экономикада өтө чоң секирик жасады.

Азыркы убактагы тикмечилердин жетишсиздиги, бул өндүрүштүн чоң масштабга чыгып, чоңойгонунан кабар берет. Бул жактан жеңил өнөр жайчыларга туруп кол чаап, баш ийип таазим кыла турган жердебиз. Бир да жолу жеңил өнөр жайы үчүн мамлекет тарабынан колдоо программасы иштелип чыккан жок. Ушул кыйынчылыкка карабай, сырттагы рынокто өзүнүн ордун таап, аны бекемдеп алганынын сырлары эмнеде? Сыры сапатында! А бул сапат жылдар бою маңдай тер менен сүртүлгөн тажрыйба аркылуу келген. Ар бир тигүүчүлөр азаматсыздар! Ошончо кыйынчылыкка карабай, азыр тикмечилер Wildberries маркет плейске түзмө-түз чыгып иштеп, алардын өзүнө түз конкурент жаратып, алардын көзүн кызартып турган чагы.

Wildberries келсе 20 га жер берилип, ага инвестиция тартылат дешти. Кол чаап сүйүндүк. Мейли жер беришсин, тигүү заводун ачсын, бирок ага биздин жарандар иштейт деген кепилдик барбы? Ал жерге Бангладештен арзан миңдеген тигүүчүлөрдү алып келип, чийки затты арзан, оптом сырттан алып кирип, чоң көлөмдө кийим тигип, аны жеңилдетилген жолдор менен Wildberries өзү сатса, анда биздин швейниктер бул конкуренцияга чыдай алышпай, чекесинен банкрот болоору турган иш.
Мен, мисалы, Wildberries тараптан өзүнүн сатуу платформасын кыргыз өндүрүшчүлөрү үчүн жеңилдетебиз деген позициясын көрбөдүм, демек, биздин тигүүчүлөргө кайра конкуренция түзүп, аларды соода аянтча рыногунан сүрүп чыгуу үчүн Wildberries кирүү, жеткирүү жана төлөө жолдорун татаалдатат.

Андан көрө ошол 20 га жерди биздин легпромдогу ишкерлерге бөлүп берип, аларга жеңилдетилген кредит берилсе, биздин өндүрүшчүлөр бир жылдын ичинде өздөрү эле ошол Вайлдберристин көлөмүнө чыгышмак. Пайданын (маржа) баары Кыргызстанда калмак. Бир нече жумушчу орун түзүшмөк. Бир чоң монополист "игрокко" эмес, бири-бирине жана кошуна өлкөлөрдүн өндүрүшүнө конкуренция болгондуктан, тигүү тармагы мындан да көбүрөөк өнүкмөк. А өкмөттүн бул жердеги чоң ролу, ошол Wildberriesке кирүү, сатуу жолдорун жеңилдетип, биздин ишкерлерге саткан акысын төлөө убактысын кыскартып жана жеңилдете турган жолдорун сүйлөшүп бериш керек. Логистикасын жөнгө салып, чек ара маселесин чечүү керек. Мындай позициядан жергиликтүү өндүрүшчүлөр да, логисттер да, банк системасы да өнүкмөк.

Wildberries келсин, бирок өндүрүшчү катары эмес, өзүнүн сатуу платформасын ачып, сатуу базары катары келсин. Ички рыноктогу өндүрүүчүлөрдүн өндүрүшүн сырттан келген товарлар басып койбоо үчүн ички рынокту коргоо саясаты күчтүү болушу керек. Бул саясат өлкөнүн өнүгүү кызыкчылыгын эң биринчи орунга коет", — дейт Акимжанова өзүнүн Facebook баракчасындагы билдирүүсүндө.

Read more

«Альянс Алтын» өнүктүрүү фонду спорт тармагына 41.5 млн сом жумшады

«Альянс Алтын» өнүктүрүү фонду спорт тармагына 41.5 млн сом жумшады

«Альянс Алтын» өнүктүрүү фонду 2016-жылдан бери Талас облусунда дене тарбия жана спортту колдоого багытталган 98 долбоор үчүн 41.5 млн сом жумшаса, акыркы бир жыл аралыгында 8.7 млн сом каражат жумшалып 12 долбоор ишке ашкан. Бул тууралуу «Альянс Алтын» тоо кен ишканасы билдирди. Алардын бири, 2024-жылдын 24-июлунда «Альянс Алтын»

«Альянс Алтын» Олимпиадага бара турган Талас облусунан чыккан спортчуларга колдоо көрсөттү

«Альянс Алтын» Олимпиадага бара турган Талас облусунан чыккан спортчуларга колдоо көрсөттү

«Альянс Алтын» компаниясы Талас облусунан чыккан 2024-жылы Париждеги Олимпиада оюндары менен Дүйнө чемпионатына бара турган Кыргызстандын курамасынын мүчөлөрүнө колдоо көрсөттү. Бул тууралуу ишкананын маалымат кызматы билдирди. Чоң мелдешке жолдомо алган спортчуларга 100 миң сомдон акчалай сыйлык жана спорттук кийим тапшырылды. Олимп оюндарына жолдомо алган Мээрим Жуманазарова, Айпери Медет кызы, Үзүр

«Альянс Алтын» май айында бюджетке рекорддук суммадагы салык төлөдү

«Альянс Алтын» май айында бюджетке рекорддук суммадагы салык төлөдү

2015-жылдан 2024-жылдын май айына чейин «Альянс Алтын» компаниясы Кыргызстандын бюджетине 18.6 млрд сом салык төлөдү. Алардын ичинен 2024-жылдын май айында 927.4 млн сом төлөнүп, бул акыркы үч жыл ичиндеги айларга салыштырмалуу эң чоң салык төлөмү болду. Мындан тышкары, 2021-жылдын апрелинен 2024-жылдын май айына чейин компания «Жергиликтүү маанидеги инфраструктураны

«Алтын тамга» артыкчылык аттестат ээлерине «Альянс Алтын» ноутбук тапшырды

«Алтын тамга» артыкчылык аттестат ээлерине «Альянс Алтын» ноутбук тапшырды

«Альянс Алтын», 30-майда президенттин Талас облусундагы ыйгарым укуктуу өкүлчүлүгүндө 2023-2024-окуу жылынын жыйынтыгы менен облус аймагында «Алтын тамга» артыкчылык аттестаттына ээ болгон окуучулар сыйлоо аземи болуп өттү. Бул тууралуу «Альянс Алтын» ишканасынын маалымат кызматы билдирди. Такталгандай, президенттин Талас облусундагы ыйгарым укуктуу өкүлү Нурлан Дарданов, «Альянс Алтын» өнүктүрүү фондунун жетекчиси Баатыр Качкынбаевдин