Кыргызстан Кытайга товар жеткирүү боюнча Борбор Азия өлкөлөрүнүн ичинен акыркы орунда турат
![Кыргызстан Кытайга товар жеткирүү боюнча Борбор Азия өлкөлөрүнүн ичинен акыркы орунда турат](/content/images/size/w1200/2023/07/snapedit_1690449765032.jpeg)
Кыргызстан Кытайга товар экспорттоо боюнча Борбор Азия өлкөлөрүнүн ичинен акыркы орунда турат. Мындай маалыматты Кытайдын Бажы башкармалыгынын биринчи жарым жылдыктагы жыйынтыгына таянып Eurasianet.org жазды.
Аталган ЖМК белгиленгендей, Борбордук Азия өлкөлөрү менен сооданын жалпы балансы Кытайдын пайдасына болгон, ал биздин чөлкөмгө 26.4 млрд долларга жакын товар жана кызмат көрсөтүүлөрдү экспорттосо, импорт болгону 12.9 млрд долларды түзгөн.
Кытай департаментинин маалыматы боюнча, Кытай менен Өзбекстандын ортосундагы өз ара соода жүгүртүү 26.8%га өсүп, 6.1 млрд долларды түзгөн. Анын ичинен Кытайдан келген товарлар – 5.46 млрд долларды, Өзбекстандан импорт – 629 млн долларды түздү. Ошол эле учурда Өзбекстандын Статистика агенттиги башка маалыматтарды берди. Маалыматка ылайык, соода жүгүртүү 5.27 млрд долларды түзсө, анын ичинен Кытайдан экспорт – 4.23 млрд доллар, импорт – 1.03 млрд долларды түзгөн.
Кытайдын Бажы башкармалыгынын статистикасына ылайык, калган өлкөлөр менен жыйынтыктар төмөнкүдөй болгон:
- Казакстан: товар жүгүртүү 26.8%га көбөйүп, 18.25 млрд долларга чейин жеткен, анын ичинен Кытайдан экспорт – 10.6 млрд доллар, импорт – 7.6 млрд доллар.
- Кыргызстан: соода жүгүртүү 27.6%га өсүп, 7.91 млрд долларды түздү. Анын ичинен Кытайдан экспорт – 7.89 млрд долларды, импорт – 25 млн долларды түзөт.
- Тажикстан: соода жүгүртүү 84.7%га өсүп, 2.11 млрд долларды түздү. Негизинен Кытайдан экспорт – 1.96 млрд доллар, импорт – 151 млн долларды түзгөн.
- Түркмөнстан: товар жүгүртүү 12.3%га өсүп, 5.55 млрд долларды түздү, анын ичинен Кытайдын экспорту – 474 млн долларды, импорт – 5.076 млрд долларды түздү, анын негизги үлүшү 5.058 млрд долларды газ менен камсыздоого туура келген.
Ошентип, Кыргызстан биринчи жарым жылдыкта Кытай менен соода жүгүртүү боюнча Борбор Азия өлкөлөрүнүн ичинен экинчи орунда экени белгилүү болду. Бирок бул натыйжаларга негизинен Кытайдын аркасында жетишилди. Ал эми Кыргызстан өзү соода жүгүртүүгө бир топ жупуну салым кошуп, болгону 25 млн долларлык товарды жеткирип, региондогу өлкөлөрдүн ичинен эң акыркы болуп калды.