Бишкекте 50 гектар жер мамлекеттик менчикке акысыз өткөрүлөт

Мелис Совет уулу

25 мар. 2026 14:30

Бишкек мэриясы Бишкек шаардык кеңешине Токомбаев көчөсүндө жайгашкан жер тилкесин мамлекеттик менчикке акысыз өткөрүп берүү тууралуу макулдук алуу боюнча документ жөнөттү. Аталган жер тилкесин Президенттин иш башкармалыгына жана Мамлекеттик мүлктү башкаруу боюнча мамлекеттик агенттикке өткөрүү каралууда.

Документте Бишкек шаардык кеңеши аянты 50,8052 гектар болгон, идентификациялык коду 1-04-12-0032-0375, Бишкек шаары, Токомбаев көчөсүндө жайгашкан жер тилкесин мамлекеттик менчикке акысыз өткөрүп берүүгө макулдук бериши керектиги көрсөтүлгөн.

Кошумча документтерде төмөнкүлөр каралган:

50,4938 гектар жер карьер үчүн мөөнөтсүз пайдаланууга берилет;
0,3114 гектар жер көрктөндүрүү үчүн 5 жылдык мөөнөткө убактылуу пайдаланууга берилет.

2025-жылдын апрель айында мэрия бул жерлер Президенттин Иш башкармалыгына өткөрүлөрүн билдирген болсо, 2026-жылдын февраль айында алар Мамлекеттик мүлктү башкаруу агенттигине өткөрүлөрү айтылган.

Бул аймак мындан ары мамлекеттин кызыкчылыгында максаттуу пайдалануу, мамлекеттик программаларды жана долбоорлорду ишке ашыруу үчүн берилери пландалууда.

Мындан тышкары, Бишкек мэриясы шаардык кеңешке мамлекеттик менчиктеги объекттерди муниципалдык менчикке кабыл алуу боюнча макулдук берүү тууралуу документтин мөөнөтүн узартууну сунуштоодо. Бул документтин негизинде мэрия Бишкек шаардык кеңешинин кошумча бекитүүсүз эле мамлекеттик объекттерди муниципалдык менчикке өткөрүүгө макулдук бере алат. Бул норманы дагы 2 жылга узартуу сунушталууда.

Мындан тышкары окуңуз

Кыргызстанда 90 380 жаңы "Алиппе" таратылат

1 -класстарга Алиппе окуу китеби басылып чыкканын Агартуу министрлигинен билдиришти. Маалыматка ылайык, аталган министрликтин жана Окуу китеби мамлекеттик мекемесинин өкүлдөрү даярдалган Алиппе окуу китептерин кабыл алышты. Окуу китептери “Учкун” басмаканасында басылып чыгып, мектептерде окутуу кыргыз тилинде жүргүзүлгөн класстар үчүн атайын каралган. Жалпы 90 миң 380 нускада Алиппе өлкөнүн бардык аймактарындагы

2025-жылы Кыргызстанда 1545 км жол оңдолуп, курулган

17-апрелде Министрлер Кабинетинин төрагасынын орун басары – Суу ресурстары, айыл чарба жана кайра иштетүү өнөр жайы министри Эрлист Акунбековдун жетекчилиги алдында Транспорт жана коммуникациялар министрлигинин 2025-жылда аткарган иштери жана 2026-жылга карата аткарылуучу иш пландары каралган жыйын болуп өттү. Бул тууралуу министрлер кабинетинен кабарлашты. Маалыматка ылайык, отурумда алгач министрликтин жалпы ишмердүүлүгү, өлкө

Бакудагы Алят портунда миңдеген жүк ташуучу унаалар топтолуп турат

Бакудагы Алят эл аралык портунда Борбор Азияга жүк тартып келаткан миңдеген фура жыла албай турганы эл аралык маалымат булактары жарыялады. Жакынкы Чыгышта согуштан улам Иран кошуна өлкөлөрү менен чек араларын жапкан. Ошол себептен Азербайжан-Түркмөнстан паром маршруту аймакка Түркия жана Европадан товар ташуунун жападан жалгыз жолу болуп калган. Тажикстандык айрым ишкерлер

Бишкекте жол тыгындарын азайтуу үчүн кыска автобус маршруттары киргизилет

Бишкек шаарында жаңы кыска автобус маршруттары киргизилип, жүргүнчүлөргө айрым учурда бир нече транспортко отуруп барууга туура келерин шаар мэри Айбек Джунушалиев билдирди. Анын айтымында, мурда шаардагы тыгындарды жана экологиялык көйгөйлөрдү азайтуу максатында 4 миңге жакын микроавтобус каттамдан алынган. Учурда Бишкекте 1200гө жакын электробус жана газ менен жүргөн автобустар иштеп жатат.